Plantun de Prouvènço

Pèr coumpara dos planto d'encò nostre

Erodium acaule & Grimmia orbicularis

Aguïeto(-sènso-cambo)

Erodium acaule

Geraniaceae

Àutri noum : Aguïo, Aguïoun.

Noms en français : Bec-de-grue acaule, Bec-de-grue sans tige.

Descripcioun :
Aquesto aguïeto renadivo sèmblo à sa cousino mai coumuno Erodium cicutarium , mai se pòu destria eisadamen. I'a ges de tijo (de pas counfoundre emé li pecou de flour) e li fueio soun tóuti à la baso. Pièi li petalo soun mai largo e s'encauvaucon, ço qu'èi jamai lou cas pèr l'aguïeto coumuno. Coumpara emé l'aguïeto.

Usanço :
Poudèn pensa qu'èi manjadisso e a li mémis usanço que Erodium cicutarium .

Port : Erbo
Taio : 5 à 20 cm
Fueio : basalo
Tipe bioulougico : Emicriptoufite
Cicle bioulougico : Planto renadivo

Gènre : Erodium
Famiho : Geraniaceae

Ordre : Geraniales

Coulour de la flour : Vióuleto
Petalo : 5
Ø (o loungour) flour : Pancaro entresigna
Flourido : Printems - Estiéu - Autouno

Sòu : Ca
Autour basso e auto : 0 à 1200 m
Aparado : Noun
Mars à juliet

Liò : Champ - Camin
Estànci : Termoumediterran à Mountagnard
Couroulougi : Estenoumediterrano
Ref. sc. : Erodium acaule (L.) Bech. & Thell., 1928

Grimìo-di-boursèu-redoun

Grimmia orbicularis

Grimmiaceae

Nom en français : Grimmie orbiculaire.

Descripcioun :
Aquesto mousso coumuno dóu gènre Grimmia trachis en couissin gris, sourne e redoun sus li roucas cauquié. Coume quàsi tóuti li mousso dóu meme gènre si fueio soun acabado pèr uno longo ciho ialino. Fai eisadamen d'espouroufite clina que de verd devènon aranjo.

Usanço :
Se destrìo de Grimmia pulvinata, enca mai coumuno, bonodi soun urno redouno (acabado emé uno pouncho pèr Grimmia pulvinata) e subretout au microuscope que si celulo de baso de fueio soun 4 à 8 cop pu longo que larjo (quàsi carrado pèr Grimmia pulvinata). Coumpara emé la grimìo-en-couissin que ié sèmblo proun.